ចំណេះដឹងខ្លីៗ

តើអ្នកចង់ជួយកាត់បន្ថយការឡើងកំដៅផែនដីដែរឬទេ?

ខាងក្រោមនេះគឺជាវិធីៗមួយចំនួនដែលអ្នកអាចធ្វើបាន ។

ប្តូរអំពូលភ្លើង៖
ការប្តូរអំពូលភ្លើងធម្មតាដោយដាក់ជំនួសវិញនូវអំពូលបែប compact fluorescent នឹងទប់កុំអោយមានជាតិកោបោនឌីអុកស៊ីដចំនួន ៣០០ ផោន ក្នុងមួយឆ្នាំ។

បន្ថយការបើករថយន្ត៖
ដើរ ជិះកង់ ជិះឡានរួមគ្នា ឬប្រើយានជំនិះសាធារណៈអោយបានញឹកញាប់។ អ្នកអាចទប់កុំអោយមានការបញ្ចេញកាបោនឌីអុកស៊ីដបានចំនួនមួយផោនដោយសារការដែលអ្នកមិនបើកបររាល់ចំងាយមួយម៉ៃល៍។

កែច្នៃប្រើឡើងវិញអោយបានច្រើននូវរបស់ប្រើហើយ៖
អ្នកអាចទប់កុំអោយមានការបញ្ចេញកាបោនឌីអុកស៊ីដបានចំនួន ២ ៤០០ ផោន ក្នុងមួយឆ្នាំ ដោយគ្រាន់តែកែច្នៃយកមកប្រើឡើងវិញនូវចំនួនពាក់កណ្តាលនៃរបស់កាកសំណល់ប្រើប្រាស់ក្នុងផ្ទះ។

ពិនិត្យមើលកង់យានយន្តរបស់អ្នក៖
ការសប់កង់យានយន្តរបស់អ្នកអោយបានតឹងល្អអាចអោយអ្នកបើកបរបានចំងាយឆ្ងាយជាងធម្មតាចំនួន ៣% ក្នុងបរិមាណសាំងប្រើប្រាស់ដូចគ្នា។ ការសន្សំសាំងបានក្នុងមួយហ្កាឡុងមានន័យថា កាបោនឌីអុកស៊ីដចំនួន ២០ ផោនត្រូវបានទប់កុំអោយហើរចូលក្នុងបរិយាកាស។

បន្ថយការប្រើប្រាស់ទឹកក្តៅ៖
គេត្រូវការថាមពលច្រើនដើម្បីកំដៅទឹក។ ចូរបន្ថយការប្រើទឹកក្តៅដោយធ្វើអោយទឹកផ្កាឈូកបាញ់តិច (អ្នកអាចទប់កុំអោយមានការបញ្ចេញកាបោនឌីអុកស៊ីដបានចំនួន ៣៥០ ផោនក្នុងមួយឆ្នាំ) ហើយបោកគក់សំលៀកបំពាក់របស់អ្នកនឹងទឹកត្រជាក់ ឬទឹកក្តៅឧណ្ហៗ (អ្នកអាចទប់កុំអោយមានការបញ្ចេញកាបោនឌីអុកស៊ីដបានចំនួន ៥០០ ផោនក្នុងមួយឆ្នាំ)។

ជៀសវាងផលិតផលដែលមានការវេចខ្ចប់ច្រើន៖
អ្នកអាចទប់កុំអោយមានការបញ្ចេញកាបោនឌីអុកស៊ីដបានចំនួន ១ ២០០ ផោន បើអ្នកកាត់បន្ថយសំរាមរបស់អ្នកត្រឹម ១០%។

បើកសំរួលបំពង់ទែរម៉ូស្តាតរបស់អ្នក៖
ការគ្រាន់តែបន្ថយបំពង់ទែរម៉ូស្តាតរបស់អ្នកចុះចំនួន ២ ដឺក្រេ នៅរដូវរងា និងឡើងចំនួន ២ ដឺក្រេ នៅរដូវក្តៅ អ្នកអាចទប់កុំអោយមានការបញ្ចេញកាបោនឌីអុកស៊ីដបានចំនួន ២០០០ ផោន ក្នុងមួយឆ្នាំ។

ដាំដើមឈើ៖
ក្នុងមួយជីវិតរបស់វា ដើមឈើមួយដើមអាចស្រូបយកជាតិកាបោនឌីអុកស៊ីដបានចំនួនមួយតោន។

បិទគ្រឿងប្រដាប់អេឡិចត្រូនិច៖
ការគ្រាន់តែបិទទូរទស្សន៍ ក្បាលចាក់ឌីវីឌី ម៉ាញ៉េ និងកុំព្យូទ័រ នៅពេលអ្នកមិនប្រើវា អាចទប់កុំអោយមានការបញ្ចេញកាបោនឌីអុកស៊ីដបានចំនួនរាប់ពាន់ផោនក្នុងមួយឆ្នាំ។

តមមិនបរិភោគសាច់នៅថ្ងៃចន្ទ៖
ការមិនបរិភោគសាច់មួយថ្ងៃក្នុងងមួយសប្តាហ៍អាចជួយសន្សំទឹកបានជាង ៣៥ ០០០ ហ្កាឡុង។ ការមិនបរិភោគសាច់សោះអាចទប់កុំអោយមានការបញ្ចេញកាបោនឌីអុកស៊ីដបានចំនួន ៥០០០ ផោនក្នុងមួយឆ្នាំ។

ដកភ្លើង៖
ការដកប្រដាប់សំងួតសក់ ឆ្នាំងសាកទូរស័ព្ទ ឆ្នាំខ្សែភ្លើង និងខ្សែភ្លើងនៅពេលអត់ប្រើ អាចកាត់បន្ថយការប្រើប្រាស់ថាមពលនៅក្នុងផ្ទះបានរហូតដល់ ២០%។

 ដកស្រង់ចេញពីគេហទំព័រ ស្ថានទូតសហរដ្ឋអាមេរិច(កម្ពុជា)