ព្រះរាជពិធីបុណ្យអ៊ុំទូកឆ្នាំនេះត្រូបានរំសាយ
--------------------------------------------------------------------------------------------បើកការដ្ឋានសាងសង់ស្ពានជ្រោយចង្វារទី២
នាយករដ្ឋមន្ត្រីបើកការដ្ឋានសាងសង់ស្ពានជ្រោយចង្វារទី២លោកនាយករដ្ឋមន្ត្រី ហ៊ុន សែន និងឯកអគ្គរដ្ឋទូតចិនប្រចាំកម្ពុជា បានប្រកាសបើកការដ្ឋានសាងសង់ស្ពានជ្រោយចង្វាទី២ នៅថ្ងៃទី២ ខែវិច្ឆិកា ឆ្នាំ២០១១ ដើម្បីសម្រួលដល់ការកកស្ទះចរាចរណ៍។ ស្ពាននេះសាងសង់ឡើងក្រោមកម្ចីឥណទានពីរដ្ឋាភិបាលនៃសាធារណរដ្ឋ ប្រជាមានិតចិន។
ស្ពានជ្រោយចង្វាទី២ ឆ្លងកាត់ទន្លេសាប មានប្រវែងជាង ១ពាន់២រយម៉ែត្រ និងទទឹង ១៣ម៉ែត្រកន្លះ ដែលគេបានឲ្យឈ្មោះជាផ្លូវការថា ស្ពានមិត្តភាពកម្ពុជា-ចិន ត្រូវប្រើប្រាស់រយៈពេលសាងសង់ជាង ៣ឆ្នាំដោយចំណាយថវិកាចំនួន ២៧លាន៥សែនដុល្លារសហរដ្ឋអាមេរិក ហើយត្រូវសាងសង់ស្របនឹងស្ពានជ្រោយចង្វាចាស់ដែលជាជំនួយរបស់ ប្រទេសជប៉ុន។
លោកនាយករដ្ឋមន្ត្រី ហ៊ុន សែន បានថ្លែងថា ស្ពានជ្រោយចង្វាទី២នេះ គឺជាស្ពានមិត្តភាពកម្ពុជា-ចិន លើកទី៥។ ស្ពានមិត្តភាពកម្ពុជា-ចិន លើកទី១ គឺជាស្ពានសេកុងក្នុងខេត្តស្ទឹងត្រែង ទី២ស្ពានព្រែកក្ដាម ទី៣ ស្ពានព្រែកតាម៉ាក់។ ស្ពានទាំង៣នោះបានដាក់សម្ពោធរួចរាល់ហើយ។ រីឯស្ពានមិត្តភាពកម្ពុជា-ចិន ទី៤ គឺស្ពានតាខ្មៅ ដែលទើបតែបើកការដ្ឋានសាងសង់កាលពីប៉ុន្មានខែមុន ហើយស្ពានទី៦ អាចនឹងមាននៅតាមដងទន្លេមេគង្គ ក្នុងខេត្តស្ទឹងត្រែង នៅពេលដែលផ្លូវពីខេត្តព្រះវិហារ ភ្ជាប់មកខេត្តស្ទឹងត្រែង អាចសាងសង់រួច ហើយស្ពានមិត្តភាពកម្ពុជា-ចិន លើកទី៧ អាចធ្វើឡើងនៅស្រុកកោះធំ ខេត្តកណ្ដាល ដោយឆ្លងកាត់ទន្លេបាសាក់ ប្រសិនបើរដ្ឋាភិបាលចិន ផ្ដល់ប្រាក់កម្ចីបន្ថែមទៀតនោះ៕--------------------------------------------------------------------------------------------
រាជធានីភ្នំពេញ សូមស្វាគមន៍!
ក្នុងចំណោមបណ្តាជនជាតិអាស៊ីទាំងក្នុង និងក្រៅប្រទេស រាជធានីភ្នំពេញ គឺជារាជធានី ដែលមានកេរ្តិ៍ឈ្មោះល្បីក្នុងការទទួលស្វាគមន៍
ភ្ញៀវទេសចរណ៍ច្រើនជាង
គេនៅក្នុងព្រះរាជាណាចក្រកម្ពុជា។ រាជធានីភ្នំពេញ មានទីតាំង ស្ថិតនៅប្រសព្វនៅ ទន្លេធំ ៣ ជាប់ដៃទន្លេ ៤ នៃទន្លេមេគង្គ ទន្លេសាប និងទន្លេបាសាក់ នៅផ្នែកខាងស្តាំមុខ ព្រះបរមរាជវាំង។ រាជធានីភ្នំពេញ គឺជាមជ្ឈមណ្ឌលពាណិជ្ជកម្ម នយោបាយ និង វប្បធម៌ ដែលជាលំនៅដ្ឋានរបស់ ប្រជាពលរដ្ឋ ប្រមាន ១១.៤ លាននាក់ បើ ប្រៀបធៀបជាមួយប្រជាជន ទូទាំងប្រទេស។
រាជធានីភ្នំពេញ ក៍ជាច្រកចូលមួយដ៍សំខាន់នៃបណ្តាប្រទេសផ្សេងៗនៅលើពិភពលោក ជាតំបន់បេតិកភណ្ឌ មានសាសនាចំរុះជាងគេនៅលើពិភពលោក និងមានអំណោយផលពីធម្មជាតិ ដោយមានប្រាសាទអង្គរវត្ត នៅភាគ ខាងលិច ឆ្នេរសមុទ្រដ៍ស្រស់ស្អាតនៅភាគខាងត្បូង និងមានដើមកំណើតជនជាតិភាគតិចនៅបណ្តាខេត្តជាច្រើននៃ ភាគឥសានប្រទេស។
រាជធានីភ្នំពេញបានបង្ហាញនូវវប្បធម៌មួយចំនួន និងភាពទាក់ទាញបែបប្រវត្តិសាស្រ្តរួមមាន ព្រះបរមរាជវាំង វិហារព្រះកែវមរកត និងសារមន្ទីរជាតិ។ មិនត្រឹមប៉ុណ្ណោះ មានសណ្ឋាគារថ្នាក់ផ្កាយប្រាំ ផ្ទះសំណាក់ ភោជនីយដ្ឋាន អន្តរជាតិ ហាងគុយទាវតាមដងផ្លូវ កិ្លបកំសាន្តថ្នាក់ក្នុងស្រុក និងក្លឹបឌីស្កូថ្នាក់អន្តរជាតិ ។ល។
រាជធានីភ្នំពេញ ជារាជធានីដែលមានកំណើនប្រជាជនផ្លាស់ប្តូរ ដូចបណ្តា ទីក្រុងទេសចរណ៍អាស៊ានដទៃ ទៀតដែរ។ បរិមាណភោជនីយដ្ឋាន និងសណ្ឋាគារ បានរីករាលដាលគួរឱ្យកត់សំគាល់ នៅប៉ុន្មានឆ្នាំកន្លងទៅនេះ មិនត្រឹមតែប៉ុណ្ណេះ កំណើនភ្ញៀវទេសចរណ៍បានកើនឡើងយ៉ាងគំហុក ពីមួយឆ្នាំទៅមួយឆ្នាំ។ ច្រកទ្វារចេញចូល អន្តរជាតិផ្លូវគោកចំនួន ៣ ត្រូវបានចាប់ដំណើរការនៅឆ្នាំ ២០០៨ ហើយសព្វថ្ងៃ យើងយើងអាចធ្វើដំណើរតាមផ្លូវ អាកាសដោយផ្ទាល់ពីរាជធានីភ្នំពេញទៅទីក្រុងអាស៊ានមួយចំនួនផងដែរ។ ប្រព័ន្ធផ្លូវគោកត្រូវបានជួសជុលនិងធ្វើ អោយប្រសើរឡើងបន្តិចម្តងៗ ធ្វើឱ្យការធ្វើដំណើរមានភាពងាយស្រួលរួមទាំងការដឹកជញ្ជូនតាមជើងយន្តហោះក្នុង ស្រុក និងការបំរើសេវាទៀងទាត់តាមរថយន្តក្រុង ពីរាជធានីទៅទីក្រុងធំៗដូចជាក្រុងព្រះសីហនុ និងកំពង់ចាមជា ដើម។ ព្រះរាជាណាចក្រកម្ពុជាកំពុងក្លាយជាកន្លែងមានភាពទាក់ទាញ និងងាយស្រួលសម្រាប់ភ្ញៀវទេសចរណ៍មក ទស្សនាជារៀងរាល់ថ្ងៃ។
No comments:
Post a Comment