យើងពិតជាមានមោទនភាពដែលកម្ពុជាមាន រោងភាពយន្តខ្នាតអន្តរជាតិ ដូចប្រទេសជិតខាងថៃ វៀតណាម ដែរ។
រោងភាពយន្តលេជេនគឺជារោងភាពយន្តដែលធំជាងគេ និងល្អដាច់គេនៅព្រះរាជាណាចក្រកម្ពុជា។អាចផ្ទុកចំនួនមនុស្សបានរហូតដល់782នាក់ព្រមទាំងមានបំពាក់ទៅដោយបច្ចេកវិទ្យាទំនើបរួមទាំងសមេ្លងSURROUND SOUND និងបចេ្ចកវិទ្យា3D ភ្លឺច្បាស់ត្រជាក់ភ្នែក។
សូមអញ្ជើញទៅទទួលយកបទពិសោធន៍ថ្មីជាមួយរោងភាពយន្តខ្នាតអន្តរជាតិលេជេន។
រោងភាពយន្តលេជេន មានទីតាំងនៅផ្សារទំនើបស៊ីធីម៉ល ជាន់ទី3
ទំនាក់ទំនងលេខទូរស័ព្ទ 088 954 9857 ឬគេហទំព័រ www.legend-cinemas.com
--------------------------------------------------------------------------------------------
ការឆ្លើយឆ្លងសារពីGmail ទៅទូរស័ព្ទដៃក្នុងប្រទេសកម្ពុជា
ថ្មីៗកន្លងទៅនេះតំណាងក្រុមហ៊ុនGoogle មកពីប្រទេសអ៊ីស្រាអែល លោកGuy Flysher មានតួនាទីជាSoftware Engineering ដើម្បីសិក្សាជុំវិញសេវាកម្មថ្មីត្រៀមដាក់ឲ្យដំណើរការលើទីផ្សារកម្ពុជាគឺ ការឆ្លើយឆ្លងសារពីGmail ទៅទូរស័ព្ទដៃ។
តំណាងGoogle មានប្រសាសន៍ថា៖ សម្រាប់អ្នកដែលប្រើប្រាស់Gmail ដើម្បីផ្ញើសារទៅកាន់លេខទូរស័ព្ទរបស់នរណាម្នាក់នោះ គឺគ្រាន់តែសរសេរខ្លឹមសារអត្ថបទ និងវាយលេខទូរស័ព្ទប្រព័ន្ធណាមួយដែលសហការ រួចផ្ញើជាការស្រេច(សូមមើលរូប)។ សេវាកម្មនេះអាចដើរទៅបានលុះត្រាតែ យើងមានកិច្ចសហការជាមួយក្រុមហ៊ុនផ្គត់ផ្គង់សេវាទូរស័ព្ទក្នុងស្រុក។ឥតគិតថ្លៃពីGmail ទេសម្រាប់ផ្ញើសារចេញពីGmail Account។
រាល់ការឆ្លើយតបពីទូរស័ព្ទដៃទៅGmail SMS sender គឺត្រូវគិតថ្លៃដូចផ្ញើសារធម្មតា ដែលក្រុមហ៊ុនទូរស័ព្ទក្នុងស្រុកកំណត់។នៅតាមបណ្ដាប្រទេសមួយចំនួន ដូចជាឥណ្ឌា…ដើរមួយរយៈហើយ ប៉ុន្តែសម្រាប់ប្រទេសកម្ពុជា ពុំទាន់អាចប្រើប្រាស់សេវាកម្មនេះបាននៅឡើយទេ។
ពួកយើងក៏បានត្រៀមខ្លួនដើម្បីចរចា ជាមួយបណ្ដាក្រុមហ៊ុនផ្គត់ផ្គង់បណ្ដាញសេវាទូរស័ព្ទក្នុងស្រុក សិន។ សេវាកម្មនេះអាចដំណើរការលើទីផ្សារកម្ពុជាបាន ឬមិនបានគឺអាស្រ័យទាំងស្រុងលើ ក្រុមហ៊ុនទាំងនោះជាអ្នកកំណត់ មិនមែនភាគីGoogle ថាដាក់ឲ្យប្រើបានដោយសេរីចិត្តឯងនោះទេ។
ខ្ញុំអាចនិយាយបានថា អ្វីគ្រប់យ៉ាង ទាំងការចរចា និងលទ្ធផលនឹងបង្ហាញក្នុងពេលឆាប់ៗនេះ។
ខ្ញុំសន្យាថា នឹងព្យាយាមបង្កើតអ្វីដែលថ្មី ជូនដល់អ្នកប្រើប្រាស់ទាំងអស់ ជាពិសេសប្រជាជនកម្ពុជា ហើយសម្រាប់សេវាកម្មថ្មីនេះ Google សង្ឃឹមថានឹងអាចប្រើប្រាស់បាន ព្រមទាំងផ្ដល់អត្ថប្រយោជន៍ច្រើនដល់អ្នកគាំទ្រGmail ក្នុងព្រះរាជាណាចក្រកម្ពុជានាពេលដ៏ខ្លីខាងមុខនេះ៕
No comments:
Post a Comment