ភាពយន្តហូលីវូដប្រចាំសប្តាហ៍នេះ

Prometheus 3D

Ridley Scoot អ្នកដឹកនាំភាពយន្តរឿង Alien និង Blade Runner វិលត្រលប់មកជាមួយភាពយន្តដែលគាត់ធ្លាប់បានបង្កើតឡើង។ ជាមួយភាពយន្តខ្នាតធំប្រចាំស្ទូឌីយូFox មានឈ្មោះថា Prometheus, Ridley Scott បានបង្កើតភាពយន្តបែបទេវកថានិយាយអំពីក្រុមអ្នកស្រាវជ្រាវបានរកឃើញនូវតំរុយអំពីដើមកំណើតមនុស្សនៅលើពិភពលោក ដែលដឹកនាំដំណើរដ៏ព្រឺព្រួចទៅកាន់ជ្រុងអាថ៌កំបាំងមួយនៃសាកលលោក ហើយពួកគេត្រូវតែប្រយុទ្ធក្នុងសង្រ្គាមដ៏សាហាវ ដើម្បីសង្គ្រោះអនាគតរបស់មនុស្សលើផែនដី។

----------------------------------------------------------------------------------------- 

A Thousand Words

បុរសនិយាយលឿន Jack McCall (សម្តែងដោយ Eddie Murphy)នឹងនិយាយគ្រប់បែបយ៉ាង ដើម្បី បញ្ចប់​កិច្ច​ចរចារដោយជោគជ័យ ប៉ុន្តែក្រោយពេលលាតត្រដាងការពិតជាមួយ ​Guru ជីវិតរបស់គាត់​ស្មើនឹងដើមឈើមួយដើមដែលមានស្លឹកចំនួន ១០០០សន្លឹក ដោយស្លឹកឈើមួយសន្លឹកស្មើនឹងសំដី​របស់គាត់មួយម៉ាត់។ ឥឡូវនេះ Jackប្តេជ្ញាចិត្តថានឹងមិននិយាយប៉ប៉ាច់ប៉ប៉ោចទៀតទេ មិនអញ្ចឹងគាត់​នឹងស្លាប់។ ចង់ដឹងថា​ ហេតុអ្វីបានជាភាពយន្ត “A Thousand Words”ជាភាពយន្តកំប្លែង? នោះក៏​ព្រោះ​តែ “មានតារាសម្តែងល្បីៗ ឈុតកំប្លែង សំណើច និងទទួលបានភាពរីករាយ”។

ចាប់បញ្ចាំងពីថ្ងៃទី ២១ ខែមិថុនា ឆ្នាំ២០១២ នៅរោងភាពយន្តលេជេន និងដឹ ស៊ីណេភ្លិច